Willd Dü öi lehre töiche und gliichzitig dr Walliser Charme gniesse? De isch das Dini Chance!
Churz zu iische zwei Walliser Instruktore:
• Roman Pfammatter – dr Ma, wa vil Gschichte cha verzelle und de no Topp Töiche zeigt.
• Thierry Hischier – dr Ma, wa sicherstellt, dass wier alli aner Oberflächi und iner Beiz wieder güet achämend.
Zäme sind di beide es Dreamteam für Dini PADI Open Water Diver-Zertifizierung.
Was erwartet dich?
• Pooltöichgäng: Im Schwimmbad Geschina in Brig lehrsch Dü alli Basics unner Wasser. Es cools Erläbnis mitti im Wallis.
• Theorie Besprächige: Die mache wier gmietlich bim Roman im Büro (Artistpool, Brig), was nid nur um Theorie geit, sondern öi ums gsellig Zämmehocke.
• Open Water Töichgänge: Die finali Action passiert ane Hammer-Töichplätz äntwäder im Thunersee oder im Neueburgersee. Perfekt fer Dini erschte Erläbnis unner Wasser.
Warum en Kurs im Wallis?
Wier Walliser sind nid nur gsellig, wier wisse öi, wie wier es Fäscht mache. Töiche isch bi iisch meh als en Kurs – es isch en Mix va spannende Erläbnis, Lache und eme güete Glas Walliser Wii.
Ich mälde mich a!
Dü chasch Dich ganz eifach amälde: gang auf iischi Kursüsschriibig va de PADI Open Water Diver und wähl bi der Amäldig der zweiti Kurs mit em Startdatum 29.05.2025 (leider chenne wer bim Standort «Brig» nid agäh – wähl da bitte «Bern» üs). Fer dass wer sicher si, dass Dü der Kurs bi iische Töichprofis im Wallis willd mache, wäri wer froh, wenn Dü das im Bemerkigsfäld notiersch.
Termine:
29.05.2025 17.00 - 21.30 Uhr | Info, Quickreview, Pool 1
30.05.2025 19.00 - 22.30 Uhr | Pool 2, Pool 3
31.05.2025 19.00 - 22.00 Uhr | Pool 4, Pool 5
14.06.2025 09.00 - 16.00 Uhr | See 1, See 2
15.06.2025 09.00 - 16.00 Uhr | See 3, See 4
Bitte tüe beachte, dass Dü vorem Kurs emal uf Bäre chunsch, fer dass Dü Dini Üsrüschtig chasch apasse und zämmestelle. Iischi Kursleiter kümmernd schich de drum, dass Dini Üsrüschtig fer der Kursstart der Wäg uf Brig findet.
Was willd no meh? Es perfekts Erläbnis wartet uf Dich. Dr Thierry und dr Roman freuend schich scho uf Dich.
Machets güet und bis bald in Brig!
Dini TSK-Crew
Roman Pfammatter, PADI Instructor
Thierry Hischier, PADI Instructor
